Կորած սենյակ
Կորած սենյակ (անգլ. The Lost Room), ամերիկյան ֆանտաստիկ, միստիկ մինիսերիալ, որը ցուցադրվել է Sci Fi Channel ալիքով 2006 թվականի դեկտեմբերի 11-ից 13-ը։ Սերիալը կազմված է 90 րոպեանոց երեք էպիզոդներից։ Նրա սյուժեն կառուցված է խորհրդավոր Կորած սենյակից և այդ Սենյակի մոտավորապես հարյուրավոր առօրյա օբյեկտներից, որոնք ունեն անսովոր հատկություններ։ Սրանք այսպես կոչված օբյեկտներն են. ավտոբուսի տոմս, որը ակնթարթորեն մարդուն տեղափոխում է սահմանված վայր, սանր, որը կարճ ժամանակահատվածով դադարեցնում է ժամանակը` օգտագործողի շուրջ, և այլն։ Սերիալի գլխավոր հերոսը` խուզարկու Ջո Միլլերը, փնտրում է այս Օբյեկտները, որպեսզի փրկի իր աղջկան` Աննային, որը չքացել է Սենյակում։ Ինչ-որ ժամանակ 1960-ական թվականների մոթելի հասարակ հանված սենյակ 66 փողոցի վրա, այժմ այդ Սենյակը գոյություն ունի տարածությունից և ժամանակից դուրս։
Ռուսաստանում սերիալը ցուցադրվել է ՏՎ 3 ալիքով 2007 թվականի[1] սեպտեմբերի 26-ից` «Կորած սենյակ» անվանումով։ Այլընտրանքային անվանումը «Գաղտնի սենյակ» է։ Բացի այդ, սերիալը ռուսերենով հրատարակվել է DVD ձևաչափով CP Digital կազմակերպության կողմից[2]։
Սյուժե
[խմբագրել | խմբագրել կոդը]Խուզարկու Ջո Միլլերը և նրա գործընկեր Լու Դեստեֆանոն ուսումնասիրում են գործարար Կարլ Քրուզֆելդին պատկանող գրավատանը տեղի ունեցած դաժան սպանությունը։ Շուտով Ջոի ձեռքում է հայտնվում մոթելի սենյակի խորհրդավոր բանալին։ Պարզ է դառնում, որ դրավատանը տեղի ունեցած բախումը եղել է հենց այդ Բանալու պատճառով։ Ջոն իմանում է, որ Բանալին «բացում է ցանկացած դուռ»։ Դրա հետ մեկտեղ դուռ դառնում է մուտք խորհրդավոր, ժամանակից դուրս գոյություն ունեցող Սենյակ, որտեղից Բանալու տերը կարող է տեղաշարժվել ամբողջ մոլորակով։ Այդ պատճառով գաղտնի հասարակությունը, աղադնավորները և նույնիսկ ազդեցիկ հարուստները ցանկանում են ստանալ այդ Բանալին։ Պարզ է դառնում, որ Սենյակի մյուս` այսպես կոչված օբյեկտները, ունեն գերբնական հատկություններ։ «Աքիս» մականունով օբյեկտների որսորդի հետ բախման ժամանակ Ջոի աղջիկը` ութամյա Աննան առանց Բանալու հայտնվում է Սենյակում և կորչում է այնտեղ։ Հերոսը ոչ միայն պետք է վերադարձնի նրան այդ օբյեկտների գերությունից, այլև իմանա նրանց հայտնվելու պատմությունը։
Գործող անձինք
[խմբագրել | խմբագրել կոդը]- Խուզարկու Ջո Միլլեր (Փիթեր Կրաուզե) - Փիթսբուրգի ոստիկանության խուզարկու, որը հերթական հետաքննության ժամանակ ստանում է Բանալին և բախվում Սենյակի հետ։ Երբ նրա դուստրը կորչում է Սենյակում, Ջոն սկսում է այլ Օբյեկտների որոնումը, օգտագործելով Բանալին, որը տալիս է Սենյակ մտնելու հնարավորություն։
- Աննա Միլլեր (Մարի Էլ Ֆենինգ) - Ջոի ութամյա դուստրը։ Նրա անհետացումը կողմնակի մարդկանց համար դիտվում է որպես Ջոի կողմից իր աղջկա հափշտակում (հնարավոր է նաև սպանություն)` դստեր խնամակալության դատավճռի ֆոնի վրա` Ջոի և իր նախկին կնոջ միջև։
- Խուզարկու Լու Դեստեֆանո (Քրիս Բաուեր) - Ջոի գործընկերը։ Նրա սպանությունը Ջոի մոտ առաջացնում է ավելի սարսափելի կասկածներ։
- Խուզարկու Լի Բրիջվոթեր (Գրեյս Էփրիլ) - Ջոի և Լուի կոլեգա և ընկեր։ Նա փորձում է մաքրել Ջոի անունը և աստիճանաբար ստանում է տեղեկատվություն Սենյակի և Օբյեկտների մասին։
- Բժիշկ Մարտին Ռուբեր (Դենիս Քրիստոֆեր) - մահվան դեպքեր հետաքննիչ, ով աշխատում է Ջոի հետ։ Իմանալով Օբյեկտների մասին, նա համակվում է դրանցով` կանգ չառնելով նույնիսկ սպանության առջև` Բանալին գտնելու փորձի ժամանակ։ Նա իմանում է Օբյեկտներ հավաքող «Վերամիավորման օրդեն» կազմակերպության մասին և միանում է նրա շարքին։ Տեսիլքից հետո, որը նա տեսել է նոր Օբյեկտ` լուսանկար ստանալուց հետո, և ջրազրկուման պատճառով մահից հազիվ փրկվելով, Ռումերը պնդում է, որ դարձել է Օբյեկտների մարգարե։
- Ջենիֆեր Բլում (Ջուլիանա Մարգուլիս) - «Լեգեոն»-ի անդամ, Օբյեկտներ հավաքող այլ հասարակությունից։ Բանալու սպանված վաճառողը եղել է նրա գործընկերը, իրենց կազմակերպության դավաճանը, այդ իսկ պատճառով Ջենիֆերը ձգտում է վերադարձնել Բանալին։ Ջենիֆերի եղբայրը համակված էր Օբյեկտներով, նա գժվել էր, փորձելով փրկել Արլին Կոնրոյին № 9 սենյակում։ Ջենիֆերը նախազգուշացնում է Ջոին Սենյակի և Օբյեկտների վտանգավոր հատկությունների մասին։ Նա օգնում է Ջոին, սկզբում Լեգեոնի առաջնորդի հրամանով, որպեսզի համոզի Ջոին միանալ Լեգեոնին (և վերադարձնել Բանալին), ապա առաջացած կապվածությունից ելնելով։
- Կարլ Քրուզֆելդ (Կեվին Փոլլակ) - հարուստ մարդ, Լեգեոնի նախկին անդամ, այժմ Օբյեկտների անկախ կոլեկցիոներ։ Նրան է պատկանում քիմմաքրման ցանցը և գրավատունը, որոնց միջոցով նա ձեռք է բերում Օբյեկտները։ Քրուզֆելդը պնդում է, որ փնտրում է Ապակե Աչքը, որպեսզի բուժի իր որդի Այզեկի սպիտակարյունությունը։ Չնայած նախնական կոնֆլիկտի և Ջենիֆերի բազմիցս կրկնվող նախազգուշացումների, Քրուզֆելդին հաջողվում է հաստատել վստահելի հարաբերություններ Ջոի հետ։
- Հովարդ «Աքիս» Մոնտեքյու (Ռոջեր Բարտ) - փիլիսոփայության նախկին պրոֆեսոր, ինքնահոս գրիչի տիրապետող։ Նրա մականունը - բնօրինակը անգլ. «Weasel» նշանակում է «խորամանկ, լպրծուն մարդ»[3]։ Աքիսը պատրաստ է հանցանք գործել, որպեսզի ստանա Բանալին և այլ Օբյեկտները:Նա գտնում է, որ գոյություն ունի «Գլխավոր Օբյեկտ», վերահսկող մյուսներին, և փորձում է հաստատել այն, ուսումնասիրելով այդ Օբյեկտերի միջև եղած կապերը։
- Իգնասիո (Իգգի) Լոսա (Պալլո Խորխե) - Ջո Միլլերի ծանոթը, «դժվար ընտանիքի» անչափահաս երեխա։ Իգիի մայրը սպանել է նրա հորը։ Ջոն օգնել է ներկայացնել այդ միջադեպը որպես ինքնապաշտպանություն, այդ ձևով վաստակում է Իգնասիոի երախտագիտությունը։ Լինելով Քրուզֆելդի գրավատան աշխատակից` Իգգին դառնում է Բանալու հնարավորությունների և նրա պատճառով տեղի ունեցած սպանությունների վկա։ Նա կարողացավ օգտագործել Բանալին և թաքնվել Աքիսի հետապնդումներից։ Իգգին մտադիր էր փոխանցել Բանալին Ջենիֆերին, բայց Քրուզֆելդի հպատակների կողմից հետապնդվել և մահացու վիրավորվել է։ Արնահոսելով, Իգնասիոն հասցրել է տեղափոխվել Ջո Միլլերի տուն և նրան հանձնել Բանալին։
- Ուոլլի Ջաբրովսկի (Փիթեր Ջեյկոբսոն) - Ավտոբուսի տոմսի տերը, վարում է շրջմոլիկ կյանք։ Ունի հումորի յուրահատուկ զգացողություն։ Բավականին շատ բան գիտի Օբյեկտների և նրանց պատմության մասին։ Չի ձգտում տիրանալ այլ Օբյեկտներին, բայց դրա հետ մեկտեղ չի ցանկանում կորցնել Տոմսը։ Ծանոթանալով Ջոի հետ` տեղեկացնում է նրան Բանալու տիրոջը սպառնացող վտանգների մասին։ Ապա բազմիցս և անշահախնդիրօգնում է Աննայի որոնողական աշխատանքներին։
- Հարոլդ Ստիցկի (Յուեն Բրեմներ) - Անհրապույր երիտասարդ մարդ, Սանրը հորաքրոջ կողմից ժառանգություն ստացած, վերջին կոլեկցիոներից մեկը։ Դարձել է խելացնոր Օրդենի հետապնդումների պատճառով, ով տենչում էր ստանալ նրա Օբյեկտը։ Ջոի և Ջենիֆերի օգնությամբ հերթական հարձակումը վերապրելով, իր կամքով հրաժարվում է Սանրի տիրապետումից։
- Սյուզի Քենգ (Չո Մարգարետ) - անկախ փնտրող, որը հավաքում և վաճառում է տեղեկատվություն Օբյեկտների գտնվելու վայրի մասին։ Օբյեկտներին նա երբեք չի դիպչում, համարելով, որ «այս իրերը սպանում են»։
- Դատարան (Անտուան Ջեյսոն) - Օբյեկտների մասին տեղեկատվության ևս մեկ վաճառող` բնակություն հաստատած Լաս Վեգասում։ Նա վաճառում է Օբյեկտների հետ կապված նկարներ, տեսահոլովակներ և մասունքներ։ Դատարանը չի կապվում հենց Օբյեկտների վաճառքի հետ` համարելով այն շատ վտանգավոր գործ։ Դատարանի գրախանութի շրջակայքը հայտնի է որպես «անհաջողակների ակումբ» հավաքատեղիով, որտեղ ընդգրկված են օգտատերեր, ովքեր կորցրել են իրենց Օբյեկտները։
- Վարձակալ Էդդի Մաքելլեյսթեր (Թիմ Գինի) - Վարձակալը գտնվում էր № 10 սենյակում «Դեպք»-ի ժամանակ, և, ինչպես Սենյակի մյուս իրերը, վեր է ածվել Օբյեկտի։ Էդդիի պատմությունը մինչ «Դեպք»-ը պարզվեց «ջնջված» բոլորի համար, բացի հենց նրա։ Նույսնիսկ նրա կինը չի ճանաչել նրան։ Նա ապրում է հոգեբուժարանում Ջեն Դոու անվան տակ, մինչև որ նա գտնում է Ջոին։
Սենյակ
[խմբագրել | խմբագրել կոդը]Սենյակ - գոյություն չունեցող № 10 սենյակ` Նյու Մեքսիկոյի Գելլափ քաղաքից ոչ հեռու գտնվող լքված «Արևի լույս (անգլ. Sunshine)» մոթելում։ 1961 թվականի մայիսի 4-ին մոտավորապես 13:20-ին Սենյակում տեղի է ունենում ինչ-որ բան, որը պատմությունից ջնջում է նրան և ամեն ինչ, ինչ կար նրա ներսում։ Այս պատահարը սերիալի հերոսները անվանում են «Դեպք» և այն համարում են պատճառ Սենյակի և Օբյեկտների տարօրինակ հատկությունների պատճառ։
Սենյակում կարելի է հայտնվել միայն Բանալու օգնությամբ։ Բանալին բացում է ցանկացած «համապատասխան» դուռ. այն պետք է պտտվի օղակների վրա և ունենա գամային «անգլիական» փական։ Սենյակից կարելի է դուրս գալ բոլոր այն վայրերը, որտեղ կան օղակների շուրջ պտտվող դռներ։ Դուրս գալու համար փականների գոյությունը պարտադիր չի։ Բանալու տերը պետք է հստակներկայացնի վայրը, որտեղ ուզում է հայտնվել, հակառակ դեպքում Սենյակից դուրս գալու համար կբացվի պատահական դուռ։ Այդ ձևով, Բանալու կրողը կարող է ազատ տեղափոխվել ամբողջ աշխարհով, սակայն դռների դատարկ թրմնախոռոչները և մի կողմ շարժվող դռները (օրինակ` ճապոնական ֆուսումա) հարմար չեն թե Սենյակ մտնելու, թե նրանից դուրս գալու համար։
Սենյակը ամեն անգամ «թարմացվում է», երբ դրսից բացվում է Բանալիով, դրա հետ մեկտեղ չքանում են սենյակի ներսում հայտնված հասարակ իրեր և մարդիկ, իսկ սենյակում գտնվող Օբյեկտները վերադառնում են այն վիճակին, ինչպես եղել են «Դեպքի» ժամանակ (Գրիչը վերադառնում է կոմոդ, Սանրը` լոգարանի պահարան, սպիտակեղենը ընդունում է նախնական տեղք և այլն)։ Սենյակի այս հատկությունը կարելի օգտագործել նրա համար, որպեսզի գտնեն Օբյեկտները այլ հասարակ իրերի միջից կամ կամ ազատել այն ինչ-որ կոնտեյներից (օրինակ` սեյֆ)։
Երբ Սենյակի դուռը բաց է, ցանկացած մարդ կարող է իր կամքով կամ ստիպողաբար մտնել Սենյակ կամ դուրս գալ այնտեղից։ Սակայն, մինչ Բանալին չի հայտնվում Սենյակի ներսում, այնտեղ գտնվելը անտանգ չէ. եթե դուռը փակ լինի (մի քանի էպիզոդներումայն փակվում է առանց կողմնակի օգնության), ներսում հայտնված մարդը կկորչի Սենյակի «թարմեցման» ժամանակ։ Հենց այդպես կորել է Աննա Միլլերը։
Վարձակալը պնդում է, որ գոյություն ունեն շատ Սենյակներ, այդ ձևով ցանկացած ոչ-օբյեկտ, որը կորչում է Սենյակում, իրականում չի անհետանում. այն մնում է Սենյակի մյուս օրինակում։ Դրա շնորհիվ, «թարմեցման» ժամանակ կենդանի և գիտակից Օբյեկտ կարող է գտնեմ Սենյակում կորած հասարակ իր կամ մարդու։ Վարձակալը չի կարող վերադարձնել Աննա Միլլերին, բայց համոզված է, որ Ջոն կարող է դա անել, եթե գրավի նրա տեղը։
Դեպք
[խմբագրել | խմբագրել կոդը]«Դեպք» - պահի անվանում, երբ № 10 սենյակը դարձել է Կորած սենյակ։ Դեպքը տեղի է ունեցել 1961 թվականի մայիսի 4-ին։ Հնարավոր է, որ Դեպքի ավելի կոնկրետ ժամանակը ցույց է տալիս Ձեռքի ժամացույցը, որի սլաքները կանգնաշ են 1:21:27 վրա։ Դեպքի պատճառը և Օբյեկտների նշանակությունը մնում են անհայտ նույնիսկ Վարձակալի համար, ով զբաղեցրել է Սենյակը Դեպքի ժամանակ։ Գործող անձանց մի մասը սահմանում է կեղծ գիտական կամ աստվածաբանական ուսմունքներ` դրանք մեկնաբանել փորձելու ժամանակ։
Վերամիավորման օրդենի անդամները հավատում են, որ Օբյեկտները հանդիսանում են Աստծո ֆրագմենտներ։ Նա, ով կհավաքի բոլորը, կարող է վերականգնել Աստծո գիտակցությունը և խոսել Աստծո հետ։ Ավելի ռադիկալ տարբերակը կայանում է նրանում, որ Աստված մահացել է Դեպքի պահին, իսկ բոլոր Օբյեկտների տերը կստնա Աստծո ուժը (կդառնա Աստված)։ Մարտին Ռուբերը պնդում է, որ իր տեսիլքում Վարձակալը հաստատել է հենց այդ ուսմունքը և Մարտինին դարձրել է մարգարե։
Ֆենոմենի մեկ այլ մեկնաբանություն հայտնում է, որ իրականությունը ինչ-որ ձևով կտրվել է Սենյակի վայրում։ Դեպքն առանձնացրել է Սենյակն ու իր պարունակությունը «բնության օրենքներից» և դարձրել է Օբյեկտները իրականության փոփոխման գործիքներ։ Եթե ինչ-որ մեկը հավաքի և օգտագործի անհրաժեշտ Օբյեկտները (այս ուսմունքը կարևորներից մեկը համարում է Բանալին), նա կարող է ղեկավարել իրականությունը իր կամքով, օրինակ, կյանք վերադարձնել մահացած մարդուն։ Այս ուսմունքը չի պահանջում հավաքել բոլոր Օբյեկտները, բայց ենթադրում է, որ օգտատերը գիտի նրանց «ճիշտ համադրությունը»` իր առաջ ծառացած խնդրի լուծման համար։ Շատ մարդիկ զոհվել կամ գժվել են այդպիսի համադրությունների ընտրության և օգտագործման փորձերի արդյունքում։
Օբյեկտներ
[խմբագրել | խմբագրել կոդը]Օբյեկտներ - գործող անձանց մոտիվացնող հզոր արտեֆակտներ։ Հավաքածուն ներառում է ավելի քան 100 առօրյա իրեր, որոնք կարելի էր գտնել 1960-ական թվականների սկզբին մոթելի վարձած սենյակում։ Կորած Սենյակի ներսում հնարավոր չի վնասել Օբյեկտները, և նրանք ունեն տարբեր գերբնական հատկություններ, բայց կորցնում են այդ հատկությունները սենյակի ներսում։ Օբյեկտներն ունեն միմյանց մոտ «ձգվելու» հատկություն` հրահրելով իրենց տերերի հանդիպումը։ Օբյոկտների զուգակցման դեպքում նրանց մետ կարող են առաջանալ նոր հատկություններ, որոնք հատուկ չեն նրանց առանձին։
Մի քանի գործող անձինք պնդում են, որ Օբյեկտները տերերին բերում են անհաջողություն, խենթացնում են, «սպանում»։ Ուոլլի Ջաբրովսկին ասում է այդ մասին, ինչպես «Օբյեկտից օգտվելու գնի» մասին:Սերիալի դեպքերը ցույց են տալիս, որ այդ կարծիքը ամենևին անհիմն չէ։ Օբյեկտների շատ փնտրողներ և տերեր ցուցաբերում են հոգեկան անկայունության նշաններ. սովորաբար այն «ֆիքս գաղափար» է տիրանալ Օբյեկտին և խելացնոր վախենալ այն կորցնել։ Օբյեկտի տիրոջը առանձնահատուկ արտահայտություն է. «Սա այն է, ինչ ես ունեմ»։
Գոյություն ունի «Գլխավոր Օբյեկտի» ուսմունք, որը, իբր թե, կապված է մնացած բոլոր Օբյեկտների հետ և ղեկավարում է դրանք։ Մի քանի գործող անձիք չեն հավատում նրա գոյությանը, մնացածը «խենթանում են այն փտրելով»։ Սյուժեի ընթացքում առաջադրվում են տարբեր տեսակետներ Գլխավոր Օբյեկտի բնույթի և գտնվելու վայրի մասին։ Ջո Միլլերը հուսահատված փնտրում է ցանկացած տեղեկատվություն նրա մասին` համարելով, որ Գլխավոր Օբյեկտի և Բանալու համադրությունը թույլ կտա նրան վերադարձնել Սենյակում կորած դստերը։
Հասարակություններ
[խմբագրել | խմբագրել կոդը]Օբյեկտների շատ փնտրողներ միավորվում են հասարակությունում։ Այդպիսի հասարակությունների միջև պատերազմները հիշատակվում են սերիալում։ Երեք հասարակություններ հայտնի են անվանումներով
Կոլեկցիոներներ
[խմբագրել | խմբագրել կոդը]Օբյեկտները հավաքող առաջին հասարակությունը` ձևավորված Դեպքից հետո։ Նրանց ղեկավարը Արլին Կոնրոյն է` «Արևի լույս» մոթելի ղեկավարը։ Գրեթե բոլոր Կոլեկցիոներները զոհվեցին կամ խենթացան 1966 թվականին № 9 սենյակում տեղի ունեցած ողբերգության պատճառով (հայտնի որպես «Կոնրոյի Էքսպերիմենտ»)։ Քիչ վերապրածները թաքցրել են ամենաթանկ Օբյեկտները «ապաստանում», որը մի քանի աղբյուրներում կոչվում է«դամբարան»։
Լեգեոն
[խմբագրել | խմբագրել կոդը]Հասարակություն, որը հայտարարել է իր նպատակը հավաքել և թաքցնել Օբյեկտները, որպեսզի վտանգը կանխեն, որը նրանք բերում են մարդկանց։ Լեգեոնի անդամները հետևում են սահմանված կանոնների. մասնավորապես` չեն սպանում Օբյեկտը ստանալու համար։ Այնուամենայնիվ, «կանոնները գոյություն ունեն, որպեսզի խախտվեն»։
Վերամիավորման օրդեն
[խմբագրել | խմբագրել կոդը]Կոչվում է նաև պարզապես «Օրդեն», սովորաբար «Նոր Կրոն»։ Օրդենի անդամները հավատում են, որ Օբյեկտները Աստծո ֆրագմենտներ են, որոնք պետք է վերամիավորվեն։ Ենթադրվում է, որ այդ անելով նրանք կկարողանան շփվել Աստծո հետ։ Նոր Կրոնի ավելի ռադիկալ հետևորդները պնդում են, որ Օբյեկտների վերամիավորումը ույլ կըա նրան, ով արել է այդ, դառնալ Աստված և ստանալ Աստծո ուժը։ Ի տարբերություն Լեգեոնի, Օրդենը չի փախչում բռնությունից և սպանությունից, Օբյեկտները ստանալու և անցանկալի անձանց վերացնելու համար։
Սերիաներ
[խմբագրել | խմբագրել կոդը]| № | Название | Режиссёр | Сценаристы | Премьера | |
|---|---|---|---|---|---|
| 1 | "Բանալիներ և ժամացույցներ" "The Key and the Clock" | Craig R. Baxley | Պատմությունը: Christopher Leone & Paul Workman Сценарий: Christopher Leone & Laura Harkcom | 2006 թվականի դեկտմեբերի 11 | |
| Խուզարկու Ջո Միլլերը բախվում է Բանալու և Կորած Սենյակի այլ Օբյեկտների հետ։ Նրա դուստրը` Աննան, անհետանում է Սենյակում։ | |||||
| 2 | "Սանր և արկղիկ" "The Comb and the Box" | Michael W. Watkins | Christopher Leone & Laura Harkcom | 2006 թվականի դեկտեմբերի 12 | |
| Ջոն շարունակում է Գլխավոր Օբյեկտի որոնումները` գտնելով, որ այն կօգնի վերադարձնել Սենյակում կորած դստերը։ | |||||
| 3 | "Աչք և գլխավոր Օբյեկտ" "The Eye and the Prime Object" | Craig R. Baxley | Christopher Leone & Laura Harkcom | 2006 թվականի դեկտեմբերի 13 | |
| Իմանալով Սենյակի Վարձակալի մասին, Ջոն հետքաննում է նրան` հույս ունենալով, որ նա այն Գլխավոր Օբյեկտն է, որն անհրաժեշտ է նրան։ | |||||
Գնահատում և քննադատություն
[խմբագրել | խմբագրել կոդը]Մինի-սերիալը ստացել է անգլիախոս քննադատների խառը մեկնաբանություններ[4]։ Առաջին էպիզոդի սցենարը առաջադրվել է «Long form — Original» անվանակարգում Սցենարիստների Գիլդիայի մրցանակաբաշխությունում։ Մի շարք նոմինացիաներում նշվել են տեսալսողական ձևավորումը և դերասանների ընտրությունը[5]։ Սերիալը դրական գնահատակն է ստացել մի քանի առցանց հրապարակումներում` պրեմյերաից զգալի ժամանակ անց[6][7].
Միջազգային ցուցադրումներ
[խմբագրել | խմբագրել կոդը]
.svg){kind=small}
Ծանոթագրություններ
[խմբագրել | խմբագրել կոդը]- ↑ Peter Krause, Julianna Margulies, Peter Jacobson, Dennis Christopher. «The Lost Room — Release Info». Վերցված է 2017 թ․ հունվարի 31-ին.
{{cite web}}: CS1 սպաս․ բազմաթիվ անուններ: authors list (link) - ↑ «Потерянная комната /Lost Room, The/ (2006)». DVD Премьер (ռուսերեն). www.dvd-premier.ru. Արխիվացված է օրիգինալից 2017 թ․ ապրիլի 24-ին. Վերցված է 2017 թ․ հունվարի 31-ին.
- ↑ Теория и практика лингвистического описания разговорной речи. — Министерство просвещения РСФСР, Горьковский гос. пед. ин-т, 1982. — С. 128. — 180 с.
- ↑ «The Lost Room». Metacritic. Վերցված է 2017 թ․ հունվարի 31-ին.
- ↑ «The Lost Room — Awards». IMDB. 2006 թ․ դեկտեմբերի 11. Վերցված է 2017 թ․ հունվարի 31-ին.
- ↑ «10 отличных, но неизвестных сериалов - Woman's Day». 2008 թ․ նոյեմբերի 6. Արխիվացված է օրիգինալից 2016 թ․ նոյեմբերի 26-ին. Վերցված է 2017 թ․ հունվարի 31-ին.
- ↑ Василий Малышев (2015 թ․ մայիսի 5). ««Потерянная комната»: артефакты — это серьезно. Новость на Вебурге». Weburg.net. Վերցված է 2017 թ․ հունվարի 31-ին.